Желі қолданушылары TikTok-ты енді қазақ тілінде пайдалана алады

Қазақтілді желі қолданушылары енді TikTok желісін қазақ тілінде пайдалана алады, деп хабарлайды TikTok PR-командасына сілтеме жасаған KAZ.NUR.KZ.

"TikTok командасы енді қосымша қазақ тілінде де қолжетімді екенін қуана хабарлайды. TikTok-тағы интерфейс тілін қазақшаға ауыстыру үшін қосымшаның Android және iOS-тағы соңғы нұсқасын көшіріп алса жеткілікті", - делінген баспасөз хабарламасында.

Бұған дейін платформада қандай контентті орналастыруға болатынын не болмайтынын түсіндіретін TikTok қоғамдастығының ережелері қазақ тілінде де жарияланған еді.

Интерфейс тілін TikTok қосымшасында кез келген уақытта өзгертуге болады.

Тіл баптауларын өзгерту үшін:

1. Оң жақтағы төменгі бұрышта орналасқан "Профиль" белгісін басыңыз.

2. Оң жақтағы жоғарғы бұрышта орналасқан үш жолағы бар белгіні басып, баптауларды ашыңыз.

3. "Баптаулар және құпиялық" деген баптауды басыңыз.

4. "Қосымшаның тілі" баптауын басыңыз.

5. Тізімнен қазақ тілін немесе басқа тілді таңдаңыз.

Мәтіннен қате тапсаңыз, бізге жазыңыз