Қазақстанда шетелдік көліктерді заңдастыруға байланысты мамандандырылған ХҚКО-ның жұмыс кестесі өзгерді

"Азаматтарға арналған үкімет" мемлекеттік корпорациясы қазақстандықтарға мамандандырылған ХҚКО жұмыс кестесінің өзгергені туралы хабарлады, деп жазады KAZ.NUR.KZ.

Биыл 23 қаңтарда елімізде Қазақстанға 2022 жылдың 1 қыркүйегіне дейін әкелінген шетелдік көліктерді заңдастыру басталды.

Осыған байланысты мемлекеттік корпорация осы процеске қатысатын мамандандырылған ХҚКО-ның жұмыс кестесін өзгерту туралы шешім қабылдағанын атап өтті.

"Енді МХҚО-лар дүйсенбі мен сенбі күндері аралығында азаматтарды сағат 9:00-ден бастап 20:00-ге дейін қабылдайды. Жұмыс кестесі 2023 жылдың 6 ақпанына дейін өзекті болады", — делінген хабарламада.

"Азаматтарға арналған үкімет" өзгерістер туралы қосымша тағы хабарланатынын жеткізді.

Мәтіннен қате тапсаңыз, бізге жазыңыз