Ауа райының бұзылуына байланысты еліміздің бірқатар өңірінде дауылдық ескерту жарияланды

Опубликовано:

Қар жинап жүрген ер адам. Көрнекі сурет
Қар жинап жүрген ер адам. Көрнекі сурет: pixabay.com

Синоптиктер, 26 қаңтар, бейсенбі күні ауа райының бұзылуына байланысты еліміздің бірқатар өңірінде дауылдық ескерту жариялады, деп хабарлайды "Қазгидромет" РМК.

Синоптиктердің мәліметінше, 26 қаңтарда Жетісу облысының Алакөл көлі ауданында оңтүстік-шығыстан жел соғып, оның екпіні - 15-20, кей уақытта 23-28 м/с-ке дейін жетуі мүмкін.

Сол сияқты бейсенбі күні Ақтөбе облысының солтүстігі мен шығысында тұман түседі.

Сонымен қатар елордасы Астанада оңтүстік-батыстан жел соғып, күндіз оның жылдамдығы 15-18 м/с-ке дейін жетуі мүмкін.

26 қаңтарда Павлодар облысының солтүстігінде, батысында, шығысында жаяу бұрқасын көтеріледі. Бұдан бөлек оңтүстік-батыстан жел соғып, облыстың солтүстігі мен батысында желдің жылдамдығы 15-20 м/с-ке дейін күшеюі ықтимал.

Сондай-ақ бейсенбіде Ақмола облысының батысында, солтүстігінде және шығысында жаяу бұрқасын соғады. Түнде және таңертең облыстың оңтүстігінде, батысында күн тұманды болады деп болжанып отыр. Өңірде оңтүстік-батыстан жел соғып, облыстың батысында, солтүстігінде, шығысында желдің екпіні - 15-20 м/с-ке дейін жетуі ықтимал.

26 қаңтарда Қызылорда облысының орталығында да тұман түседі деп болжанып отыр.

Ал Солтүстік Қазақстан облысында, бейсенбі күні, өңірдің солтүстігінде, шығысында жаяу бұрқасын соғады деп күтілуде. Облыста оңтүстік-батыстан, батыстан жел тұрып, түнде аймақтың солтүстігінде, шығысында және оңтүстігінде оның екпіні - 15-20 м/с, күндіз облыстың басым бөлігінде - 15-20 м/с, облыстың оңтүстігінде - 23 м/с-ке дейін жетуі мүмкін.

Айта кетейік, бұған дейін метеорологтар алдағы үш күнге арналған ауа райы болжамын ұсынған еді.

Мақаланың түпнұсқасы: https://kaz.nur.kz/society/2006785-aua-raiynyn-buzyluyna-bailanysty-elimizdin-birqatar-onirinde-dauyldyq-eskertu-zariyalandy/