Алматыда тағы да жер сілкінісі сезілді

Бүгін, 27 қаңтар сағат 06:11-де Алматы тұрғындары тағы да жер сілкінісін сезді. МSК-64 шкаласы бойынша сезілуі 2-3 балл, деп хабарлайды KAZ.NUR.KZ оңтүстік астананың Төтенше жағдайлар департаментіне сілтеме жасап.

ТЖД-ның мәліметінше, жер сілкінісінің ошағы Алматы қаласынан оңтүстікке қарай 191 шақырым жерде Қырғызстан аумағында орналасқан.

• Жер сілкінісінің энергетикалық класы – 11.9.
• MPV магнитудасы – 5.2
• Эпицентрінің бағыты – 41.52° с.е. 77.37° ш.б.
• Тереңдігі – 10 шақырым.
• МSК-64 шкаласы бойынша Алматы қаласында сезілуі 2-3 балл.

ТЖД барлық құзырлы органдар хабардар екенін, "112", "101" желілеріне тұрғындардан ешқандай хабарлама келіп түспегенін атап өтті.

Сондай-ақ департамент "Қазселденқорғау" мәліметіне сүйеніп, гидротехникалық құрылыстарда деформация, шөгу, жарықтардың пайда болғаны туралы фактілер тіркелмегенін жеткізді.