"Биыл ертерек ұшып келді": Маңғыстау облысына қоқиқаздар оралды (видео)

Маңғыстау облысындағы Қаракөл көліне мыңдаған қоқиқаз оралды, деп жазады KAZ.NUR.KZ тілшісі.

Қаракөл көліне оралған қоқиқаздардың видеосын ақтаулық блогер Азамат Сәрсенбаев өзінің Instagram парақшасында жариялады.

"Маңғыстау облысы, Қаракөл көлі. Қоқиқаздар жылы аймақтардан қаңтарда қайтып келіп жатыр... Биыл ертерек ұшып келді", - деп жазды ол.

Желі қолданушылары құстардың сұлулығына сүйсініп, блогерге алғыс айтқан.

"Қандай әдемі, көрініс. Осы бейнежазбаны түсірген сізге мың алғыс", "Өте әдемі сәт, қандай сұлу құстар", "Cөзсіз ғажап көрініс", "Құстар не себепті ерте қайтып келген екен?", "Ерте қайтып келсе, қатты аязды күндер болмайтын шығар", - деп жазды олар.

Айта кетейік, бұған дейін Маңғыстау облысында қатты аяздан Каспий теңізінің жағалауын қалың мұз басқанын хабарлаған едік.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз