Алдағы күндері елдің оңтүстігінде ауа райы 10 градусқа дейін жылынуы мүмкін

"Қазгидромет" РМК синоптиктері алдағы үш күнге, яғни 28-30 қаңтарға арналған ауа райы болжамын ұсынды, деп жазады KAZ.NUR.KZ.

Синоптиктердің болжамынша, алдағы күндері Қазақстан аумағында ауа райы айтарлықтай өзгермейді.

Еліміздің батысына, оңтүстігіне және оңтүстік-шығысына жоғары қысым аумағы әсер етеді. Осыған байланысты аталған өңірлерде күн райы жауын-шашынсыз әрі ашық болады деп күтілуде.

Ал өзге аймақтар әлі де атмосфералық фронтальды бөліктердің ықпалында болады. Нәтижесінде қар жауып, бұрқасын болады, сондай-ақ жел күшейеді деп болжануда.

Республика бойынша ауа температурасы күрт өзгермейді деп күтілуде, дегенмен оңтүстікте күндіз күн райы -5...-3 градустан 5-10 градусқа дейін жылынуы мүмкін.

Елдің оңтүстік-шығысында сынап бағаналары -8...-3 градустан 0-5 градусқа дейін жоғарылауы ықтимал.

Мәтіннен қате тапсаңыз, бізге жазыңыз