Ел мегаполистерінің бірінде бүгін күн жылы әрі жаңбырлы болады
Опубликовано:
Синоптиктер 31 қаңтар, сейсенбіге арналған ауа райы болжамын ұсынды. Олардың болжамынша, қаңтардың соңғы күні Алматы мен Шымкентте күн жылы болса, Астанада аяз күтіледі, деп хабарлайды KAZ.NUR.KZ "Қазгидромет" РМК-ға сілтеме жасап.
Метеорологтардың мәліметінше, бүгін Алматы қаласында күн көшпелі бұлтты, жауын-шашынсыз. Күндіз +2...+4 градус жылы, түнде -5...-7 градусқа дейін төмендейді. Желдің жылдамдығы 0-5 м/с.
Астанада да бүгін күн жауын-шашынсыз. Термометр көрсеткіштері күндіз -11...-13 градус аязды көрсетсе, түнде -25...-27 градусқа дейін төмендеуі ықтимал. Елордада желдің жылдамдығы 1-6 м/с-ке дейін жетпек.
Ал Шымкентте күн жаңбырлы болады деп күтілуде. Десе де, күндіз +7...+9 градус жылы болмақ, түнде 0...-2 градусқа дейін төмендеуі мүмкін. Сонымен бірге синоптиктер қала тұрғындарына 5-10 м/с-қа дейін жел күшеюі мүмкін екенін ескертеді.
Мақаланың түпнұсқасы: https://kaz.nur.kz/society/2007374-el-megapolisterinin-birinde-bugin-kun-zyly-ari-zanbyrly-bolady/