"Су деңгейі көтерілуі мүмкін": Синоптиктер бірнеше өңірде ауа райына байланысты ескерту жариялады

Синоптиктер, 1 ақпанда бірнеше өңірде ауа райына байланысты ескерту жариялады, деп хабарлайды "Қазгидромет" РМК.

Синоптиктердің болжамынша, 1 ақпанда Ақмола облысының солтүстігі мен шығысында тұман түседі деп күтілуде.

Сондай-ақ Ақтөбе облысының шығысында да тұман күтіледі. Облыста шығыстан, оңтүстік-шығыстан жел соғып, оның екпіні 18 м/с-ке дейін жетуі ықтимал.

Сол сияқты Алматы, Жамбыл, Жетісу, Қызылорда, Түркістан облыстарында 1-3 ақпан аралығында жаңбыр және жылбысқы қар түріндегі қатты жауын-шашын жауады деп күтілуде.

Бұдан бөлек, температуралық фонның жоғарылауына байланысты қарқынды қар еруі, еріген қар және беткейлік ағынының қалыптасуы, мұздық құбылыстарының әлсіреуі және өзендерде су деңгейі көтерілуі күтіледі.

Айта кетейік, бұған дейін синоптиктер ақпан айының алғашқы күндері Қазақстанда ауа райы қандай болатынын болжаған еді.

Мәтіннен қате тапсаңыз, бізге жазыңыз