Қазақстан мегаполистерінің бірінде 10 градусқа дейін жылынады

Синоптиктер сенбі, 4 ақпан күні Астана, Алматы және Шымкент қалаларындағы ауа райы болжамын ұсынды. Мегаполистердің бірінде 10 градусқа дейін жылу күтіледі. Ақпарат "Қазгидромет" ресми сайтында жарияланды.

Астанада бүгін жауын-шашынсыз ауа-райы күтіледі, көшпелі бұлт шығуы мүмкін. Күндіз ауа температурасы -8...-10 градус төңірегінде болады. Желдің жылдамдығы: секундына 5-10 метр.

Алматыда сенбі күні синоптиктер жаңбыр жауатынын айтады. Күндізгі температура +4...+6 градусқа жетуі мүмкін. Желдің жылдамдығы секундына 0-5 метр.

Шымкентте мамандар жаңбыр аралас қар жауады деп болжап отыр. Дегенмен, ауа температура күндіз +8...+10 градусқа дейін көтеріледі. Жел секундына 8-13 метр жыламдықпен соғады.

Мәтіннен қате тапсаңыз, бізге жазыңыз