Бүгін Қазақстанның екі қаласында қар аралас жаңбыр жаууы мүмкін

Жексенбі, 5 ақпанда Астана, Алматы және Шымкент қалаларында күн райы жауын-шашынды болады. Бұл туралы "Қазгидромет" РМК ресми сайтында хабарлады.

Синоптиктердің болжамынша, бүгін Алматыда қар аралас жаңбыр жауады. Күндіз сынап бағаналары +3...+5 градусты көрсетсе, түнде -3...-5 градусқа дейін төмендейді. Желдің жылдамдығы 2-7 м/с жетуі мүмкін.

Шымкентте де қар аралас жаңбыр жауады деп күтілуде. Күндіз +4...+6 градусқа дейін күн жылынса, түнде -2...-4 градусқа дейін суытады. Сонымен бірге шаһарда 5-10 м/с дейін жел күшеюі ықтимал.

Ал Астанада бүгін қар жауып, күші 9-14 м/с дейін жететін жел соғады деп болжануда. Күндіз қалада ауа температурасы -5...-7 градус, түнде -15...-17 градус болады.

Мәтіннен қате тапсаңыз, бізге жазыңыз