Бүгін Қазақстанның бір мегаполисінде қар жауады деп күтілуде

Синоптиктер дүйсенбі, 6 ақпанда ел аумағы мен Қазақстанның ірі қалалары - Алматы, Астана және Шымкентте ауа райы қандай болатынын болжады, деп хабарлайды "Қазгидромет" РМК ресми сайтында.

Метеорологтардың мәліметінше, республикамыздың басым бөлігі әлі де антициклон және онымен байланысты атмосфералық фронталды бөліктердің ықпалында болғандықтан, бүгін ел аумағында тұрақсыз ауа райы сақталады.

Яғни Қазақстанның солтүстік жартысында қар, бұрқасын, оңтүстікте жауын-шашын (жаңбыр, қар түрінде), желдің күшеюі, көктайғақ, тұман күтіледі.

Ал Алматы қаласында керісінше, көшпелі бұлтты, жауын-шашынсыз ауа райы күтіледі. Күндіз оңтүстік астанада +4...+6 градус жылы. Желдің жылдамдығы 2-7 м/с.

Астанада мамандардың айтуынша, бүгін күндіз қар жауып, ауа температурасы -5-7 градусқа дейін төмендейді. Жел екпіні 3-8 м/с.

Синоптиктер Шымкентте көшпелі бұлтты, жауын-шашынсыз, күн жылы болады деп болжап отыр. Күндіз ауа температурасы +6...+8 градус аралығында, желдің жылдамдығы 3-8 м/с.