Астанада көлік жүргізушілеріне автобус жолағымен жүруге рұқсат берілу мүмкін

Астанада автомобильдердің қоғамдық көлікке арналған жолақшада қарбалас уақыттан тыс және демалыс күндері жүру мүмкіндігі қарастырылып жатыр. Бұл туралы елорда әкімдігінің ресми сайты қалалық көлік және жол-көлік инфрақұрылымын дамыту басқармасына сілтеме жасап хабарлайды.

Астана қаласында осы мәселені шешу бойынша онлайн-дауыс беру басталды.

Дауыс беру 27 ақпанға дейін жалғасады.

"Пилоттық жоба Абылай хан даңғылында Пушкин-Манас көшесі аралығына дейін енгізілді. Бұл көшелерде қарбалас уақыттан тыс уақытта қарапайым көліктердің жүруіне болады. Ал таңертеңгі сағат 07.30-дан 9.30-ға дейін және кешкі сағат 17.00-ден 20.00-ге дейін автобус жолағымен жүруге тыйым салады", - делінген хабарламада.

Мәтіннен қате тапсаңыз, бізге жазыңыз