Бүгін Қазақстанның ірі қалаларында қар жауып, жел күшеюі ықтимал

Синоптиктер 17 ақпан, жұма күніне арналған Қазақстанның үш ірі қаласы – Алматы, Астана және Шымкентте ауа райы қандай болатынын болжады. Мәліметті "Қазгидромет" РМК ресми сайты ұсынды.

Бүгін синоптиктердің болжамынша, Алматыда күндіз қар аралас жаңбыр, түнде тек қар жауады деп күтілуде. Ауа температурасы күндіз +5...+7 градус жылы, түнде -1...+1 градусқа дейін төмендейді. Желдің жылдамдығы 3-8 м/с дейін болады деп болжанады.

Астанада да бүгін қар жауады, сынап бағанасы күндіз -6...-8 градусты көрсетсе, түнде -11...-13 градусқа дейін төмендейді деп күтілуде. Елордада жел күшейіп, жылдамдығы 9-14 м/с-қа дейін жетуі ықтимал.

Синоптиктердің болжауына сәйкес, Шымкентте де қатты жел, оның жылдамдығы 8-13 м/с, ал екпіні 23 м/с жетеді деп күтілуде. Мегаполисте ауа температурасы күндіз 8-10 градус, түнде 0...+2 градусқа дейін жылы болмақ.