Тұман, қар, көктайғақ: Синоптиктер Қазақстан бойынша үш күнге ауа райы болжамын ұсынды

"Қазгидромет" РМК синоптиктері Қазақстан бойынша 18-20 ақпанға арналған ауа райы болжамын ұсынды, деп жазады KAZ.NUR.KZ тілшісі.

Метеорологтардың болжамынша, алдағы күндері Қазақстанның басым бөлігінде ауа райы тұрақсыз болады.

Атап айтқанда, қар жауып, республиканың оңтүстік-батысында, оңтүстігінде және оңтүстік-шығысында жаңбыр мен қар түрінде жауын-шашын түседі деп күтілуде.

Сонымен қатар 18 ақпанда Жамбыл, Алматы, Жетісу облыстарында қатты жауын-шашын (жаңбыр, қар) түсуі мүмкін.

Одан бөлек, синоптиктер республика бойынша тұман түсіп, жел күшейеді деп болжап отыр. Ал еліміздің оңтүстік жартысында көктайғақ, солтүстік жартысында бұрқасын болуы ықтимал.