Медеу мұз айдынында жаппай сырғанау бір аптаға тоқтатылады

Алматыдағы Медеу мұз айдынының әкімшілігі қала тұрғындары мен қонақтарына жаппай сырғанау уақытша тоқтатылатынын ескертті. Бұл мұз айдынында өтетін жарысқа байланысты, деп хабарлайды мекеме Instagram-дағы ресми парақшасында.

"21-24 ақпан аралығында Медеу мұз айдынында конькимен жеке және командалық жүгіруден Қазақстан кубогы өтеді. Осыған байланысты Медеу мұз айдынында жаппай сырғанау 18-24 ақпан аралығында тоқтатылады", - делінген хабарламада.

Әкімшілік жарысқа республикалық маңызы бар екі қаланың және жеті өңірдің өкілдері қатысатынын атап өтті.

"21-22 ақпанда Қазақстан кубогының финалдық кезеңі, ал 23-24 ақпанда командалық старт өтеді. Жарыс күндері Медеу кешеніне кіру жанкүйерлер үшін тегін", - деп қосты Медеу мұз айдыны әкімшілігінің өкілдері.

Мәтіннен қате тапсаңыз, бізге жазыңыз