Түркияның жер сілкінген аймағынан 13 Қазақстан азаматы мен олардың жанұясы елге қайтарылды

Түркиядағы 13 Қазақстан азаматы мен олардың отбасы мүшелері Қазақстанға жіберілді. Бұл туралы Түркиядағы Қазақстан елшілігінің Facebook-тегі ресми парақшасында хабарланды, деп жазады KAZ.NUR.KZ.

"Қазақстан Елшілігінің ұйымдастыруымен Түркиядағы жер сілкінісі болған аймақтардан жиналған 13 Қазақстан азаматы мен олардың отбасы мүшелері және 2 Түркия азаматы Қазақстаннан келген ұшақпен Алматыға қайтарылды", - деп жазылған хабарламада.

Еске сала кетсек, соңғы мәлімет бойынша, Түркияда 38 мыңнан астам, Сирияда 6 мыңға жуық адам жер сілкінісінің құрбаны болды.

Қазақстан Түркиядағы жер сілкінісінен зардап шеккендерге 55 тонна гуманитарлық көмек жіберді.

Сондай-ақ Қасым-Жомарт Тоқаев Түркияның жер сілкінісінен зардап шеккен аймақтарына гуманитарлық көмек ретінде 1 миллион доллар бөлді.