Түркия мен Сирияда жер сілкінісінен қаза тапқандар саны 44 мыңнан асты

Түркияда болған жойқын жер сілкінісі салдарынан қаза тапқандар саны артты. Соңғы мәліметтерге сүйенсек, қайтыс болғандар саны 38 044 адамға жеткен.

Бұл туралы РИА Новости басылымы Түркияның Төтенше жағдайлардың алдын алу және зардаптарын жою басқармасына сілтеме жасап хабарлады.

Сонымен қатар жер асты дүмпулерінен зардап шеккен көршілес Сирияда да қайтыс болғанар саны 5800-ден асып отыр.

Айта кетейік, бұған дейін Антакьядағы қиранды астында 10 тәулік бойы жатқан 12 жасар бала аман-есен құтқарылғаны туралы хабарлаған едік.

Одан бөлек, Антакияның Одабаши ауданында қиранды астында 261 сағат жатқан екі ер адам құтқарылған болатын.

Құтқарушылардың айтуынша, 26 және 34 жастағы ер адамдар бетондардың арасында қыстырылып қалған.