Алматыда түнде жарығы сөніп қалған жатақхана суденттері тұрғындардың тыныштығын бұзған

Алматыдағы жоғары оқу орындарының бірінің жатақханасында жарық сөніп қалып, студенттер тұрғындардың тыныштығын бұзған, деп хабарлайды Telegram-дағы "ҚР ІІМ жаңалықтары" арнасы.

Алматы қалалық полиция департаментінің мәліметінше, полицияға түн ортасында тұрғындардан тыныштықты бұзу туралы дабыл келіп түскен.

"Электр қуаты сөнген кезде студенттер жатақханасында тұратын жоғары оқу орындарының бірінің студенттері көшеге шығып, петардаларды жарып, айғайлап, ысқырған. Осылайша олар жақын маңдағы үйлердің тұрғындарының тыныштығын бұзған.

Бұған жол берген жатақхана коменданты ӘҚбК-нің 437-бабы бойынша әкімшілік жауапкершілікке тартылды", - делінген полиция хабарламасында.

Сондай-ақ құзырлы орган университет басшылығымен бірлесе отырып, студенттер арасында түсіндіру әңгімесі жүргізілгенін атап өтті.

Мәтіннен қате тапсаңыз, бізге жазыңыз