Бүгін Қазақстанның бір мегаполисінде күн райы 18 градусқа дейін жылынуы мүмкін

Бүгін, 21 ақпанда Алматы мен Шымкентте күн райы жылы болмақ. Ал Астанада синоптиктер 2 градус суық болады деп болжап отыр. Бұл туралы "Қазгидромет" РМК ресми сайтында хабарлады.

Мамандардың болжауынша, бүгін Алматы қаласында жауын-шашын жаумайды. Күндіз сынап бағанасы +8...+10 градусқа дейін көтерілсе, түнде 0...-2 градус суық болады. Оңтүстік астанада желдің күші секундына 0-5 метрге жетеді.

Бүгін Шымкент қаласында да күн жауын-шашынсыз, күндіз ауа температурасы +16...+18 градусқа дейін көтерілуі ықтимал. Ал түнде қалада сынап бағанасы +3...+5 градусқа төмендейді. Осы ретте, синоптиктер қалада жел 5-10 м/с дейін күшеюі мүмкін екенін ескертті.

Сейсенбіде Астана қаласында күн ала бұлтты, дегенмен жауын-шашын жаумайды деп болжануда. Сынап бағаналары 0...-2 градусты көрсетуі ықтимал. Сондай-ақ елордада желдің күші 9-14 м/с жетеді деп күтілуде.

Мәтіннен қате тапсаңыз, бізге жазыңыз