"Телефондарын тексерістен өткіземіз": Нұрлан имам бес баласын қалай тәрбиелейтінін айтты

Көпшілікке әлеуметтік желі арқылы танылған Нұрлан имам бес баласын қалай тәрбиелейтінін айтты. Turkystan.kz басылымына сұхбат берген дінтанушы тәрбие берудегі ұстанатын қағидаларын бөлісті, деп жазады KAZ.NUR.KZ.

Имамның айтуынша, оның бес баласы бар. Балаларының үлкені - үшінші курс студенті болса, кішісі үшінші сыныпта оқиды екен.

"Баланы өз заманымен тәрбиеле" деген ерте заман ғұламасының ұлы қағидасы бар. Оны ұмытуға болмайды. Ата-бабаларымыз тәр­бие беруде қалыс қалған ба? Әлбетте жоқ. Қа­зақтың психологиясы да өз алдына бір кере­мет дүние, тәрбиеге міндетті түрде қол­данамыз. Өйткені біз – қазақпыз. Бала осыны тү­сінуі керек. Яғни, өзінің туған елін, жерін, туын, тегін, дінін, ділін, тілін біліп өсуі керек.

Аллаға шүкір, балаларымның үлкені үшін­ші курс студенті, кішісі үшінші сыныпта оқи­ды. Бесеуі бес түрлі болса да, бір тәрбие алып жатыр. Анасы екеуіміз балаларымызды пат­шадай күтіп, құлша жұмсап, сырлас досы болып келеміз. Тәрбие негізінен ата-ананың өзі­нен басталады. Ал бала сол ата-ананың кө­шірмесі болады. Себебі, бала көзін ашқан­нан ата-ананың істегенін қайталайды, балаға бағыт беруші өзіміз", - деді Нұрлан имам.

Сонымен қатар дінтанушы балаларының өзінсіз дастарханға отырмайтынын, тамаққа қолын созбайтынын атап өтті.

"Құдайға шүкір, балаларымның бәрі туған­нан мейірім көріп, еркелеп өсті. Мен өз әкем мен анама қандай құрмет жасаймын, қа­лай жақсы көремін, олар да дәл солай біз­ге құрмет көрсетеді. Менсіз дастарқанға отырмайды. Менен бұрын тамаққа қолын созбайды. Күніге таңда сабаққа барарда бәрі қа­тар бетімнен сүйіп, келгенде қолымды сүйе­ді. Аналары осыған тәрбиелеп қойған.

Кү­нара сабақ үлгеріміне көңіл бөлемін, көңіл күйіне дейін сұраймын. Олар көрген-біл­генімен бөліседі. Тәрбиелері жайлы кешкі дас­тарқан басында жеке өзіміз ақылдасып, бірге дұға етеміз, жоспар құрамыз. Ең бас­ты­сы, олардың ойымен санасып, арман­ын анықтап, мақсатын тыңдап, қажет кезде таңдау жасауға, қажет еместе шешім қа­былдауға үйретіп отырамыз.

Міндетті түр­де аптасына бір рет ескертусіз ұялы те­лефон­дарын жинап, толығымен тексерістен өткі­зе­міз. Әлеуметтік желілер жайлы ақпарат олар­ға жан-жақты ескертілген. Бұл – біздің тәрбиеміздегі үйреншікті әдебіміз", - деді Нұрлан имам.