Аяз бен жел: жексенбі күні Қазақстан мегаполистерінде қандай ауа райы болады

Жексенбі, 26 ақпан күні Қазақстанның үш қаласында да – Алматы, Астана және Шымкентте ауа райы жауын-шашынсыз болады деп күтілуде. Синоптиктердің болжамы "Қазгидромет" РМК ресми сайтында жарияланған.

Ауа райы болжамы бойынша Алматыда бүгін күндіз 0-ден 2 градусқа дейін жылы болады, түнде ауа температурасы -6...-8 градусқа дейін төмендейді. Оңтүстік астанада жауын-шашын болмайды, желдің жылдамдығы секундына 3-8 метрге жетеді.

Астанада бүгін де жауын-шашын күтілмейді, күндіз термометрлер -9...-11, түнде -12...-14 градус аязды көрсетеді. Қала тұрғындарына желдің секундына 9-14 метрге дейін күшейетіні ескертіледі.

Шымкентте күндіз 7-9 градус жылы болады, түнде 0...-2 градусқа дейін суытады. Жауын-шашын болмайды, желдің жылдамдығы 5-10 м/с болады.

Еске салсақ, бұған дейін еліміздің 14 өңірінде дауылдық ескерту жарияланған болатын.