20 градусқа дейін жылы: көктемнің алғашқы күндері ел аумағында ауа райы қандай болады

Синоптиктер қыстың соңғы күні мен көктемнің басында Қазақстанда ауа райы қандай болатынын болжады, деп хабарлайды "Қазгидромет" РМК ресми сайтында.

Метеорологтардың мәліметінше, алдағы үш күнде яғни, 28 ақпан мен 2 наурыз аралығында ел аумағында жауын-шашын, (қар, жаңбыр) көктайғақ, тұман, екпінді жел, республиканың солтүстік-батысында және солтүстігінде боран, қатты жауын-шашын күтіледі.

Тек оңтүстік-шығыста, шығыста 28 ақпан - 1 наурыз аралығында жауын-шашынсыз ауа райы сақталады.

Сондай-ақ синоптиктердің болжамынша, алдағы тәуліктерде Қазақстанның басым бөлігінде ауа температурасы біртіндеп жоғарылайды.

Мәселен, күндізгі уақытта еліміздің солтүстік жартысында +3...+5 градус, ал оңтүстік жартысында +15...+20 градусқа дейін жылы болады деп күтілуде.

Дегенмен, республиканың батысы мен солтүстік-батысында күндіз ауа температурасы 0...-10 градусқа дейін біртіндеп төмендеуі ықтимал.

Мәтіннен қате тапсаңыз, бізге жазыңыз