Қолайсыз ауа райына байланысты үш облыста жолдар жабылды (видео)

Ауа райының бұзылуы салдарынан Ақмола, Солтүстік Қазақстан және Қостанай облыстарында жол жабылды. Бұл туралы "Қазавтожол" Telegram арнасында хабарлады.

"Қазавтожолдың" ақпаратынша, 7 наурыз сағат 17:30-дағы ақпаратқа сәйкес 3 облыста ауа-райының күрт нашарлауына байланысты республикалық маңызы бар автожолдардың 9 учаскесінде жол қозғалысына уақытша шектеу енгізілді. Атап айтқанда, Ақмола, Солтүстік Қазақстан және Қостанай өңірлерінде тасжолдар жабылды.

Республикалық автожолдарды күтіп-ұстау үшін 400 бірлік жол - пайдалану техникасы мен 500 қызметкер жұмылдырылды.

Айта кетсек, "Қазгидромет" РМК мәліметінше, 8 наурызға қараған түні Ақмола ооблысында бұрқасын, көктайғақ болып, жел 15-20 м/с дейін күшеюі мүмкін.

Ал Солтүстік Қазақстан облысында қар жауып, бұрқасын, көктайғақ болып, жел 15-20 м/с дейін күшейеді. Ал облыстың шығысында желдің екпіні 23-28 м/с дейін жетуі ықтимал.

Сондай-ақ Қостанай облысында бұрқасын болып, тұман түседі, желдің екпіні 15-20 м/с дейін жетуі мүмкін.

Мәтіннен қате тапсаңыз, бізге жазыңыз