Бүгін Қазақстан мегаполистерінің бірінде 25 градусқа дейін жылы болады

Синоптиктер 10 наурыз, жұмада Қазақстан мегаполистерінде ауа райы қандай болатынын болжады, деп хабарлайды KAZ.NUR.KZ "Қазгидромет" РМК ресми сайтына сілтеме жасап.

Метеорологтардың мәліметінше, бүгін Алматыда көшпелі бұлт шығады, жауын-шашын болмайды, термометр бағаны күндіз +14...+16°C-қа дейін көтеріліп, түнде +6...+8°C-қа дейін төмендейді.

Желдің жылдамдығы секундына 0-5 метр. Сондай-ақ тұманға байланысты жұмада оңтүстік астанада дауылдық ескерту жарияланған.

Астанада да бүгін жауын-шашынсыз ауа райы күтіледі, күндіз ауа температурасы 0-ден +2°C-қа дейін көтерілсе, түнде 0...-2°C-қа дейін күн суытады. Желдің жылдамдығы 2-7 м/с.

Ал Шымкентте бүгін күндіз +23...+25°C-қа дейін, түнде +12...+14°C-қа дейін жылы болмақ. Мегаполисте жауын-шашын күтілмейді, желдің жылдамдығы 5-10 м/с.

Мәтіннен қате тапсаңыз, бізге жазыңыз