Колледж студенттеріне әскери борышын өтеу мерзімін кейінге қалдыру туралы SMS хабарлама жіберіледі

2023 жылдың наурыз айынан бастап әскерге шақыру жасына толған колледж студенттері әскери борышын өтеу мерзімін кейінге қалдыру туралы хабарламаны SMS арқылы ала алады. Бұл туралы Оқу-ағарту министрлігі ресми Telegram-каналында хабарлады.

Мемлекеттік қызметтерді цифрландыру және автоматтандыру департаментының мәліметінше, Оқу-ағарту министрлігі мен мемлекеттік органдардың ақпараттық жүйелерін интеграциялау нәтижесінде 2023 жылдың наурыз айынан бастап колледж студенттеріне проактивті форматта SMS жолданады.

"Күндізгі оқу нысанындағы колледж студенттеріне әскери қызметке шақыруды кейінге қалдыру оқу аяқталғанға дейін беріледі. Ол Оқу-ағарту министрлігінің Ұлттық жалпы білім беру деректер базасынан расталады және соның негізінде SMS арқылы кейінге қалдыру немесе әскерден босату рұқсаты беріледі", – дейді мемлекеттік қызметтерді цифрландыру және автоматтандыру департаментінің директоры Азат Тиштыбаев.

Ведомсто ақпаратынша, бүгінгі таңда Қазақстан колледждерінде әскерге шақыру жасындағы 118 мыңға жуық студент білім алады.