Top.Mail.Ru

Сайт нұсқасы

ru kz

Зектілері

Әуежайда кей жағдайда не себепті аяқ киімді шешу қажет

Опубликовано:

әуежай
Әуежай. Көрнекі фото: pixabay.com

Әуежайда жолаушыларды тексеру кезінде кейбір жолаушылардан неліктен аяқ киімді шешу талап етіледі? Бұл сауалға "Нұрсұлтан Назарбаев халықаралық әуежайы" АҚ-ның баспасөз қызметі жауап берді, деп жазады KAZ.NUR.KZ.

Елордалық әуежайдың баспасөз қызметінің мәліметінше, әуе көлігінің ерекшеліктеріне байланысты жолаушылар авиатасымалдарында қауіпсіздік мәселелеріне баса назар аударылады.

​Әлемдік тәжірибеде жолаушылардың қауіпсіздігі мен жайлылығын қамтамасыз ету мақсатында жолаушыларды, қол жүгі мен багажды іріктеп тексеру әдісі қолданылады.

​Сондықтан бүкіл әлемдегі әуежайлар жолаушылардың 10 пайызын автоматты түрде және кездейсоқ түрде анықтайтын рандомайзер функциясы бар доғалы металл детекторларымен жабдықталған. Мәселен, Астана әуежайында рандомайзерлер 2015 жылдан бері қолданылып келеді.

​"Егер тексеру кезінде құрылғы белгі берсе, жолаушы рентген-теледидар қондырғысы арқылы жеке тексеру үшін аяқ киімін шешіп (құрамында металл заттар болмаса да), тексеруден өтуі керек. Сонымен қатар тексеру қызметкерлері бұл жолаушының қол жүгін мұқият тексеруге міндетті", – дейді авиациялық қауіпсіздік қызметінің тексеру бөлімшесі бастығының орынбасары Абылай Саргозов.

​Әуежайдың баспасөз қызметінің хабарлауынша, мұқият тексеру қасақана жасалмайды, керісінше жолаушылардың қауіпсіздігі үшін қарастырылған шаралар. Сондықтан жолаушылар түсіністік танытып, тексерумен айналысатын инспекторлардың заңды талаптарын орындауы керек.

​"Ескеретін бір жайт, тексеруден жалтарған жолаушылар "Қазақстан Республикасының әуе кеңістігін пайдалану және авиация қызметі туралы" Заңға сәйкес тасымалдауға жіберілмейді", - дейді елордалық әуежайдың баспасөз қызметінің өкілдері.

Мақаланың түпнұсқасы: https://kaz.nur.kz/society/2013020-auezaida-kei-zagdaida-ne-sebepti-ayaq-kiimdi-sesu-qazet-elordalyq-auezai-akimsiligi-zauap-berdi/

pixel