Қар, жаңбыр, жел: бүгін Қазақстан мегаполистерінде ауа райы қандай болады

Синоптиктер бейсенбі, 16 наурызда еліміздің ірі қалалары - Алматы, Астана, Шымкентте ауа райы қандай болатынын болжады, деп хабарлайды KAZ.NUR.KZ "Қазгидромет" РМК-ның ресми сайтына сілтеме жасап.

Метеорологтардың болжамынша, бүгін Алматыда жаңбыр жауады, желдің жылдамдығы секундына 3-8 метрге жетеді. Күндіз термометр бағаны +8...+10°C дейін көтеріледі, түнде 0...+2°C дейін төмендейді.

Мамандар оңтүстік астанаға іргелес аумақтарда қардың қарқынды еруі, тау бөктерінен еріген қардың ағыны қалыптасуы, мұздың еруі және өзендердегі су деңгейінің көтерілуі күтілетінін және су басу ықтималдығын ескертеді.

Астанада бейсенбіде қар және жылдамдығы 7-12 м/с-қа, екпіні 15-20 м/с-қа жететін жел күтілуде. Ауа температурасы күндіз -1...+1°C болса, түнде -3...-5°С дейін суытады. Сондай-ақ синоптиктер елордада қатты көктайғақ болатынын ескертіп отыр.

Ал бүгін Шымкентте жауын-шашынсыз, күн ашық болмақ. Күндіз термометр бағаны +16...+18°C көрсетсе, түнде +3...+5°C дейін төмендейді. Дегенмен, қалада жылдамдағы 8-13 м/с-қа, екпіні 15-20 м/с-қа жететін қатты жел күтілуде. Осыған байланысты үшінші мегаполисте дауылдық ескерту жарияланды.

Мақаланың түпнұсқасы: https://kaz.nur.kz/society/2013075-qar-zanbyr-zel-bugin-qazaqstannyn-megapolisterinde-aua-raiy-qandai-bolady/