Қазақстанда бірден екі мереке пайда болуы мүмкін

Елімізде бірден екі мереке, яғни аналар мен әкелер күні бекітілуі мүмкін. Бұл жайлы жастар және отбасы істері комитеті тиісті құжатты дайындап, "Ашық НҚА" порталында заң жобасы жарияланды, деп жазады KAZ.NUR.KZ.

Заң жобасы аясында Аналар күнін - мамырдың екінші жексенбісінде, ал әкелер күнін - маусымның үшінші жексенбісінде атап өту ұсынылған.

Айта кетейік, жобаны қоғамдық талқылауға 17 наурыз күні ұсынған. Ал ұсынысты осы жылдың 5 сәуіріне дейін талқылауға болады.

Сонымен қатар жобаның мақсаты, Қазақстан Республикасында отбасылық құндылықтарды насихаттау және отбасы институтын нығайту екені атап өтілді.