Бүгін елдің ірі қалаларында найзағай ойнап, тұман түсуі мүмкін

Дүйсенбі, 20 наурызда Астана мен Алматыда күн жауын-шашынсыз, ал Шымкентте найзағай ойнауы мүмкін. Бұл туралы "Қазгидромет" РМК ресми сайтында хабарлады.

Синоптиктердің хабарлауынша, Алматыда бүгін күн ала бұлтты, жауын-шашын жаумайды. Күндіз сынап бағанасы +8...+10°C дейін көтерілсе, түнде -1...-3°C суық болады. Оңтүстік астанада желдің жылдамдығы секундына 2-7 метрге жетеді.

Еліміздің бас қаласы - Астанада таңертең тұман түсуі мүмкін. Осыған байланысты дауылдық ескерту жарияланған. Сонымен қатар елордада жауын-шашын жаумайды, күндіз -4...-6°C, түнде -2-4°C градус суық болады деп күтілуде. Одан бөлек, қалада жел 7-12 м/с дейін күшеюі ықтимал.

Ал Шымкентте бүгін найзағай ойнауы мүмкін. Дегенмен бүгін сынап бағаналары +17...+19°C-қа дейін көтеріліп, түнде +3...+5°C-қа дейін төмендейді. Шаһарда желдің жылдамдығы 5-10 м/с дейін жетеді деп болжануда. Найзағайға байланысты үшінші мегаполисте дауылдық ескерту жарияланды.

Мақаланың түпнұсқасы: https://kaz.nur.kz/society/2013536-bugin-eldin-iri-qalalarynda-naizagai-oinap-tuman-tusui-mumkin/