Бүгін Қазақстанның ірі қаласында 23 градусқа дейін күн жылынады

Синоптиктер бүгін, 23 наурыз еліміздің ірі қалаларына арналған ауа райы болжамын ұсынды, деп хабарлайды "Қазгидромет" РМК.

Синоптиктердің мәліметінше, күндіз Алматыда ауа температурасы 13-тен 15 градусқа дейін көтеріледі. Түнде температура 3-5 градусқа дейін төмендеуі мүмкін.

Сонымен қатар бүгін оңтүстік астанада жауын-шашын болмайды және желдің жылдамдығы секундына 2-7 метрге жетеді.

Мамандар елордада күндіз 3-5 градусқа дейін күн жылынатынын және жауын-шашын күтілмейтінін жеткізді.

Ал Шымкент қаласында бүгін термометр бағанасы 21-23 градусты көрсетеді деп күтіліп отыр. Түнде мегаполисте температура 6-8 градусқа дейін түседі.

Мақаланың түпнұсқасы: https://kaz.nur.kz/society/2013803-bugin-qazaqstannyn-iri-qalasynda-23-gradusqa-deiin-kun-zylynady/