Жауын-шашынсыз болады: синоптиктер бүгінгі күнге ауа райы болжамын ұсынды

Синоптиктер бүгін еліміздің ірі қалаларында жауын-шашынсыз ауа райы сақталып, көшпелі бұлт болады деп болжап отыр, деп хабарлайды "Казгидромет" РМК ресми сайтында.

Метеорологтардың мәліметінше, 25 наурыз Алматыда күндiз ауа температурасы+17+19 °C-ты көрсетсе, түнде +2+4 °C жылы болады. Көшпелі бұлт шығып, жауын-шашынсыз ауа райы сақталады. Ал желдің жылдамдығы 0-5 м/с болады деп күтілуде.

Бүгін Астанада ауа райы көшпелі бұлтты, жауын-шашынсыз, тұман болады деп болжанып отыр. Күндiз термометр бағаны+6+8 °C-қа дейін көтерілсе, ал түнде -2-4 °C-қа дейін төмендейді. Желдің жылдамдығы 2-7 м/с. Елордада тұманға байланысты дауылдық ескерту жарияланған еді.

Шымкентте күндiз ауа температурасы +22+24 °C-ты көрсетсе, түнде +6+8 °C-қа дейін жылынады. Синоптиктер бүгінгі ауа райын аздаған бұлтты, жауын-шашынсыз болады деп болжап отыр. Желдің жылдамдығы 5-10 м/с дейін жетеді.