Ақмола облысында із-түзсіз жоғалып кеткен 16 жастағы қыз іздестірілуде (фото)

Ақмола облысында үйден шығып кетіп, қайта оралмаған 16 жастағы қыз іздестірілуде, деп хабарлайды Telegam-дағы "ҚР ІІМ жаңалықтары" арнасы.

Құқық қорғаушылардың мәліметінше, 5 сәуір күні Көкшетау қалалық полиция басқармасының кезекші бөліміне қала тұрғыны хабарласқан.

Ол өзінің 2006 жылғы сіңлісі Тойбазар Лейла Асхатқызын іздестіруге жәрдем беру туралы көмекпен жүгінген. Айтуынша, сіңлісі 4 сәуір күні сағат 16:00 шамасында үйден белгісіз бағытта шығып кетіп, қайта оралмаған.

Жасөспірім қыздың белгілері: бойы 150-155 см, дене бітімі арық, шашы қара, қысқа, көздері қоңыр.

Үстінде күңгірт жасыл түсті күрте, қара түсті шалбар және аяғына қара түсті кроссовки киген.

"Жасөспірім жайлы қандай да бір ақпаратқа ие адамдардан Көкшетау қаласының ПБ-на Сәтпаев көшесі, 1а мекенжайы бойынша немесе көрсетілген телефон арқылы хабарлауды сұраймыз 8-(7162)-25-78-05, 8-747-352-16-95 немесе 102", – делінген хабарламада.

Мақаланың түпнұсқасы: https://kaz.nur.kz/society/2015772-aqmola-oblysynda-uiine-qaityp-oralmagan-16-zastagy-qyz-izdestirilude-foto/