Жеңімпазға 1,5 млн теңге: елімізде қыздар арасында Құранды жатқа оқудан байқау өтеді

Қазақстан мұсылмандары діни басқармасының ұйымдастыруымен Алматы қаласында Құран Кәрімді жатқа оқудан қыздар арасында ІІІ республикалық байқау өткізілмек, деп хабарлайды KAZ.NUR.KZ ҚМДБ-ның ресми сайтына сілтеме жасап.

Байқауға қатысушылар 30, 20, 10 және 5 пара номинациялары бойынша бақ сынайды. Үміткерлердің өтініш беруге арналған құжаттары 2023 жылдың 15 мамырына дейін қабылданады.

Толық Құранды жатқа оқудан:

• 1 орын - 1 500 000 тг.
• 2 орын - 1 200 000 тг.
• 3 орын - 1 200 000 тг.тг.

Құранның 20 парасын жатқа оқу бойынша:

• 1 орын - 1 000 000 тг.
• 2 орын - 800 000 тг.
• 3 орын - 600 000 тг.

Құранның 10 парасын жатқа оқу бойынша:

• 1 орын - 600 000 тг.
• 2 орын - 400 000 тг.
• 3 орын - 300 000 тг.

Құранның 5 парасын жатқа оқу бойынша:

• 1 орын - 400 000 тг.
• 2 орын - 300 000 тг.
• 3 орын - 200 000 тг.

Жалпы жүлденің қоры - 8 300 000 тг.

Үміткер қыздарға қойылатын талаптар:

• үміткердің ҚР азаматы болуы;
• әйел кісі болуы;
• әр номинацияда талап етілетін параларды толық жаттауы;
• жарысқа қатысушының жаттаған паралары толық болуы керек, яғни екі жерден жарты-жарты параны біріктіріп ұсынуға болмайды.
• жарысқа қатысу құжаттарын ұйымдастырушылар белгілеген мерзімде тапсыруы;
• үміткер бір номинацияға ғана қатыса алады;
• үміткер өз облысында өткізілетін алдын ала іріктеу сайысында I-орын алған жағдайда жарысқа жолдама ала алады;
• әр облыстан бір номинацияға бір үміткер ұсынылады (барлығы 4 үміткер);
• іріктеуден өткен үміткер номинациясын ауыстыра алмайды;
• ақтық сайысқа келген үміткер жарысқа қатысудан бас тартуына болмайды;
• үміткердің жасы 30-дан аспаған болуы;
• толық Құранды жатқа оқу номинациясы бойынша Республикалық, Халықаралық жарыстарда жүлделі орын (1 орын) алмаған болуы керек;
• 2022 жылғы IІ Республикалық Құран жарысындағы 5-10 және 20 паралары бойынша жеңімпаздар (1 орын) тек жоғары номинацияларға ғана қатыса алады.

Талап етілетін құжаттар:

• Анкета (бекітілген үлгі бойынша);
• жеке куәлік (паспорт) көшірмесі;
• 1-орын сертификатының көшірмесі;
• ҚМДБ-ның өңірдегі өкіл имамының ұсыныс хаты.

Жауапты тұлғаның байланыс мәліметтері:

Қажылық бөлімінің меңгерушісі – Жәнділлә Мамытханұлы

Тел: +7 701 477 07 17.

e-mail: quran@muftyat.kz

Мақаланың түпнұсқасы: https://kaz.nur.kz/society/2015998-zenimpazga-15-mln-tenge-elimizde-qyzdar-arasynda-qurandy-zatqa-oqudan-baiqau-otedi/