Қазақстандықтар мамыр айында қанша күн демалады

Қазақстандықтар биыл мамыр айында үш мемлекеттік мерекені атап өтеді. Жалпы алғанда мамырда 11 демалыс күні болмақ, деп хабарлайды KAZ.NUR.KZ Электрондық үкімет порталына сілтеме жасап.

Алдағы айда елімізде 1 мамыр — Қазақстан халқының бірлігі күні, 7 мамыр — Отан Қорғаушы күні, 9 мамыр — Жеңіс күні тойланады.

Алайда Отан Қорғаушы күні мерекесі жексенбіге түсіп тұрғандықтан, 8 мамыр демалыс күні болмақ. Осылайша қазақстандықтар 6-9 мамыр аралығында қатарынан төрт күн демалады.

Жалпы алғанда, мамыр айында бес күн жұмыс істейтін азаматтарды мереке күндері мен демалыс күндерін қоса алғанда 11 күн демалыс күтіп тұр.

Ал аптасына алты күн жұмыс істейтіндер үшін демалыс күндері — 1, 7-9, 14, 21, 28 мамыр.

Мәтіннен қате тапсаңыз, бізге жазыңыз