Жұмада елдегі ірі қалалардың бірінде қар аралас жаңбыр жауып, қатты жел соғуы мүмкін

Бүгін, 14 сәуірде Астанада қар жаууы мүмкін. Бұл ретте Алматы мен Шымкентте күн айтарлықтай жылы болады. Мұндай ақпарат "Қазгидромет" РМК ресми сайтында берілген.

Астанада синоптиктердің болжамы бойынша қар аралас жаңбыр жаууы мүмкін. Бірақ елордада күндіз +5...+7 градус жылы болса, түнде -5...-7 градусқа дейін суытады. Желдің жылдамдығы 9-14 м/с, күндіз екпіні 17-22 м/с болуы мүмкін.

Алматыда бүгін күн ашық болады, жауын-шашын күтілмейді. Күндіз термометрлер +26...+28 градусты көрсетсе, түнде +13...+15 градусқа дейін төмендейді. Оңтүстік астанада желдің жылдамдығы 3-8 м/с.

Жұмада Шымкентте күн ашық, күндіз +31...+33 градус ыстық болады деп күтілуде. Бұл ретте түнде сынап бағанасы +13...+15 градусқа дейін төмендейді. Сонымен қата қалада желдің жылдамдығы 8-13 м/с, екпіні 15-20 м/с жетеді деп болжануда.

Мәтіннен қате тапсаңыз, бізге жазыңыз