Алдағы демалыс күндері Қазақстанның басым бөлігінде жаңбыр жауады деп күтілуде

Синоптиктер алдағы демалыс күндерге арналған ауа райы болжамын ұсынды, деп хабарлайды "Қазгидромет" РМК ресми сайтында.

Метеорологтардың мәліметінше, 22-24 сәуір аралығында Қазақстанның басым бөлігіне Қара теңіз аудандарынан жылжыған кезекті циклон әсер етеді.

Ол батыстан шығысқа қарай жылжиды. Соған байланысты еліміздің басым бөлігінде жауын-шашын (негізінен жаңбыр түрінде) жауады деп күтілуде.

Сонымен қатар республика бойынша тұман болып, жел күшеюі мүмкін.

Бұдан бөлек, сипоптиктер оңтүстік өңірлерде найзағай ойнап, шаңды дауыл тұрады деп болжап отыр.