Бүгін елдегі мегаполистердің бірінде күн 29 градусқа дейін ысиды деп күтілуде

Синоптиктер бүгін Алматы мен Шымкентте жауын-шашынсыз, ауа райы ыстық болады, ал Астанада жаңбыр жауады деп болжайды, деп хабарлайды "Қазгидромет" РМК ресми сайтына сілтеме жасаған KAZ.NUR.KZ.

Метеорологтардың мәліметі бойынша, бүгін Алматыда күн ашық, жауын-шашын болмайды. Күндіз термометр +23+25 ​​градусты көрсетсе, түнде сынап бағанасы +8+10 градусқа дейін төмендейді. Желдің жылдамдығы секундына 3 метрден 8 метрге дейін жетеді.

Дүйсенбі Астанада жаңбыр жауады деп күтілуде. Күндіз ауа температурсы +15+17 градусқа дейін жылы болса, ал түнде 0-2 градусқа дейін суытады. Сонымен қатар синоптиктер елордада 7-12 м/с жылдамдықпен жел соғып, жел екпіні 15-20 м/с дейін жетеді деп ескертеді. Осыған байланысты Астанада дауылдық ескерту жарияланды.

24 сәуір Шымкентте күндіз ауа температаурасы плюс +27+29 градусқа дейін ыстық болса, түнде ауа температурасы плюс 10-12 градусқа дейін төмендейді деп күтілуде. Үшінші мегаполисте бүгін жауын-шашын болмайды, желдің жылдамдығы 5-10 м/с дейін жетеді.

Мәтіннен қате тапсаңыз, бізге жазыңыз