Жаңаөзенді шаңды дауыл басып қалды
Жарияланған күні:
Сейсенбі, 25 сәуір күні Жаңаөзенді шаңды дауыл басып қалды. Жергілікті тұрғындар өздері түсірген кадрларды желіде бөлісуде. Ауа райының қолайсыздығына байланысты мектеп оқушылары қашықтан оқуға көшірілді, деп жазады KAZ.NUR.KZ Lada.kz сайтына сілтеме жасап.
Басылымның хабарлауынша, жүргізушілер жолдардың көрінуінің нашарлағанын, көлік қозғалысының қиындағанын айтқан.
Жаңаөзен әкімдігі қаладағы жағдайға қатысты пікір білдірді.
"Құрметті қала тұрғындары! Маңғыстау облысының "Қазгидромет" қызметі 25 сәуірде өңірде шаңды дауыл көтерілетіні, желдің жылдамдығы секундына 15-20 метрге жететіні туралы SMS-хабарлама жіберді. Осыған байланысты білім мекмелерінде оқу қашықтан өткізілуде. Азаматтардан сақтық шараларын сақтауды сұраймыз", – дейді әкімдіктегілер қала тұрғындарына.
Мақаланың түпнұсқасы: https://kaz.nur.kz/society/2018245-zanaozendi-sandy-dauyl-basyp-qaldy-video/
