Бүгін еліміздің үш мегаполисінде де күн ыстық болады деп күтілуде

Синоптиктер бейсенбі, 27 сәуірде Қазақстанның мегаполистері - Алматы, Астана және Шымкентте жауын-шашынсыз, күн ыстық болатынын болжады, деп хабарлайды "Қазгидромет" РМК ресми сайтына сілтеме жасаған KAZ.NUR.KZ.

Метеорологтардың мәліметінше, бүгін Алматыда жауын-шашынсыз ауа райы сақталады. Күндіз термометр +22...+24 градусты көрсетсе, түнде ауа температурасы +10...+12 градусқа дейін төмендейді. Оңтүстік астанада желдің жылдамдығы 0-5 м/с дейін жетеді.

Сейсенбіде Астанада да күн ашық болып, жауын-шашын күтілмейді. Елордада күндіз +24...+26 градусқа дейін жылы болса, түнде ауа температурасы +7...+9 градусқа дейін төмендейді. Желдің жылдамдығы 2-7 м/с.

27 сәуір Шымкентте күндіз термометр көрсеткіші +27...+29 градусқа дейін көтерілсе, түнде +10...+12 градусқа дейін төмендейді. Мегаполисте жауын-шашын болмайды, бірақ қатты жел күтілуде. Соған байланысты қалада дауылдық ескерту жарияланды. Желдің жылдамдығы 8-15/с, екпіні 15-23 м/с-қа дейін жетуі мүмкін.

Мәтіннен қате тапсаңыз, бізге жазыңыз