Алдағы демалыс күндері елімізде 10 градусқа дейін аяз күтілуде

Синоптиктер сәуір айының соңғы күндері елімізде найзағай ойнап, жаңбыр жауып, кей өңірлерде ауа температурасы 10 градусқа дейін төмендейтінін болжады, деп хабарлайды KAZ.NUR.KZ "Қазгидромет" РМК реcми сайтына сілтеме жасап.

Метеорологтардың мәліметінше, 29 сәуір мен 1 мамыр аралығында Қазақстанның басым бөлігінде атмосфералық фронтальды бөліктердің өтуіне байланысты ауа райы құбылмалы болады.

Яғни, кей өңірлерлерде найзағай ойнап, жаңбыр жаууы ықтимал.

Түнде солтүстік, орталық, шығыста жауын-шашын (жаңбыр, қар түрінде), оңтүстік-шығыстың таулы аймақтардың кей уақытта қатты жаңбыр және бұршақ күтіледі.

Бұдан бөлек, республика бойынша жел күшейіп, тұман түсіп, оңтүстік өңірлерде шаңды дауыл тұруы мүмкін.

Сондай-ақ сипоптиктер айдың соңғы күндерінде Қазақстанның басым бөлігінде температураның төмендейтінін болжап отыр.

Мәселен, еліміздің солтүстік, солтүстік-батыс пен орталық аймақтарында түнде 1-7 градусқа дейін үсік жүріп, шығыста 1-ден 10 градусқа дейін аяз болуы ықтимал.