Оралда ер адам жұмысқа шығып, хабар-ошарсыз кеткен

Оралда 28 сәуір, жұма күні таңертең жұмысқа шығып, үйіне оралмаған 37 жастағы ер адам іздестіріліп жатыр, деп хабарлайды KAZ.NUR.KZ "Мой город" порталына сілтеме жасап.

Жоғалған ер адамның есімі – Руслан Өтепов. Әпкесі оның әдетте жұмысқа көлікпен кететінін, бірақ жұма күні үйге қалдырып кеткенін айтты.

"Өзімен телефоны болатын, кеше қоңырау барып тұрған, бірақ бүгін телефоны өшіп жатыр. Құжаттары да өзімен бірге. Ол ішпейді, бұған дейін үйден кетіп қалған емес, денсаулығында ақау жоқ, аздап кекештенетіні бар. Ол үшін қатты уайымдап отырмыз", – дейді Руслан Өтеповтің әпкесі Эльмира.

Ер адамның белгілері: қоңыр көзді, бойы шамамен 170 см, орта денелі. Ол жоғалған күні үстінде көк түсті футболка, қара джинсы шалбар және қара джинсы күрте болған.

Туыстары полицияға арыз жазып қойған, қазір тәртіп сақшылары оны іздеуде.

Туыстары Руслан Өтеповтің жүрген жері туралы қандай да бір мәлімет білетіндерден 8 (775) 688 63 05, 8 (777) 143 0458 телефондарына хабарласуды сұрайды.

Мәтіннен қате тапсаңыз, бізге жазыңыз