Ақтөбе облысында Dombyra party шарасына 6 000 жас домбырашы қатысты

1 мамыр күні Ақтөбе облысының барлық ауданында және облыс орталығында Қазақстан халқының бірлігі күніне орай "Ел бірлігі: қасиетті домбыра" атты Dombyra party шарасы өтті.

Іс-шараға Ақтөбе облысының әкімі Ералы Тоғжанов, қоғам өкілдері, қала тұрғындары мен қонақтары қатысты.

Облыс әкімі Қазақстан халқының бірлігі күні достықты, патриотизм мен бейбітшілікті насихаттайтын мереке екенін атап өтті.

"Біздің тәуелсіздігіміз бірлікпен, қоғамдықкелісіммен және тұрақтылықпен тығызбайланысты. Бірлік күнінде ұйымдастырылған "Ел бірлігі: қасиетті домбыра" шарасын өткізуіміз өте символдық мәнге ие. Өйткені домбыра қазақ халқының музыкалық мәдениетінің басты символы. Ұлы даланың ұлттық аспабының үні Ақтөбе шаһарына, барлықаудан орталықтарына жеткізілді. 6000 бала қазақ халқының көрнекті композиторларының өлмес шығармаларын бір мезетте орындау арқылы ұлттық музыкалық аспапқа деген сүйіспеншілігін көрсетті. Бұл үшін көп рахмет! Осындай өскелең ұрпағы бар Қазақстанның болашағы зор", - деді Ералы Тоғжан.

Dombyra party акциясы өнер орталығында, Шығармашылық академиясы ғимараты алдында, Есетбатыр шағын ауданының алаңында бір мезгілде өтті.

А.Жұбановтың "Би", Құрманғазының "Балбырауын" және Ә.Желдібаевтың "Еркесылқым" күйлері орындалды.

Облыс әкімі қазақ музыкалық аспаптарының үйірмелеріне баратын этнос өкілдерінің оқушыларына ұлттық аспабымызды сыйға тартты.

Сонымен қатар дарынды жастарды қолдау мақсатында тағы бірнеше балаға музыкалық студияда ән жазу үшін сертификаттар табысталды.