Бұршақ пен нөсер жаңбыр: алдағы күндері елімізде ауа райы қандай болады

"Қазгидромет" РМК мамандары еліміздегі алдағы үш күн, 2-4 мамырға арналған ауа райы болжамын ұсынды, деп хабарлайды KAZ.NUR.KZ.

Мамандардың айтуынша, ауқымды солтүстік антициклон еліміздің солтүстік, орталық және оңтүстік аймақтарының ауа райына әсер етеді. Нәтижесінде жауын-шашынсыз ауа райы күтіледі, тек түнгі уақытта жүретін үсік сақталады.

Республиканың шығыс, оңтүстік-шығыс және батыс өңірлерінде атмосфералық фронтальды бөлімдердің өтуімен ауа райы тұрақсыз болады, яғни жауын-шашын күтіледі.

Батыста кейде найзағай ойнап, бұршақ, нөсер жаңбыр жауады.

Шығыста жаңбыр мен қар түрінде жауын-шашын күтіледі.

Оңтүстік-шығыстың таулы аймақтарында жаңбыр, қар жаууы ықтимал.

Республика бойынша желдің күшеюі, тұман, оңтүстік өңірлерде шаңды дауылдар күтілуде.

Еске салсақ, бұған дейін Алматыда осы аптада күн бірде ала бұлтты, бірде ашық болатыны хабарланған болатын.

Мәтіннен қате тапсаңыз, бізге жазыңыз