Мамырда Қазақстанның бір өңірінде құрғақшылық болуы мүмкін

Қазақстандық синоптиктер елімізде осы айда болатын құрғақшылық болжамына қатысты түсініктеме берді, деп хабарлайды "Қазгидромет" РМК ресми сайтында.

Мамандар мамыр айында астық себілетін аймақтарда ылғалдану жағдайы көбінесе нормаға жуық болады деп болжаған.

Қостанай облысының Қарасу ауданында, Ақмола облысының Ақкөл, Атбасар және Астрахань аудандарында, Шығыс Қазақстан облысының Күршім, Глубокое, Зырян, Ұлан, Қатонқарағай аудандарында және Өскемен қаласында, сондай-ақ Алматы облысының Талғар ауданында ылғалдану жағдайы жақсы болады.

"Қызылорда облысының Арал және Қазалы аудандарында құрғақшылықтың басталуы күтілуде, мұнда мамыр айында жауын-шашын тапшылығы мен ауа температурасының жоғарылауы болжануда", – делінген хабарламада.

Мамандардың айтуынша, елдің қалған аймағында мамыр айында ылғалдану бұрынғыдай өз деңгейінде болады.

Мәтіннен қате тапсаңыз, бізге жазыңыз