Алматылық оқушылар АҚШ-тағы робототехника бойынша әлем чемпионтында үздік ондыққа кірді

Қазақстанның робототехника тарихында алғаш рет АҚШ-тағы әлем чемпионатында Алматы қаласының құрама командасы үздік ондыққа кіріп, көшбасшылар қатарынан көрінді, деп хабарлайды Алматы қаласы әкімдігінің Telegram-жағы ресми арнасында.

Қала әкімдігінің хабарлауынша, 1737 K Urei командасының оқушылары Vex Spin Up санатында өткен 10 іріктеу матчының 9-да жеңіске жеткен.

"Осылайша олар өз дивизионындағы 80 команда арасында 9-орын иеленді. Жарыс 25 сәуірден бастап Даллас қаласында (АҚШ) 4 мамырға дейін жалғасады. Vex Spin Up санатына 6-12 сыныптардан жасақталған 11 500 команда қатысады", - делінген хабарламада.

Бұған қоса, Алматы қаласының екі командасы: 1737d Dream ON және 1737Y Blue Ribbon тамаша нәтижеге қол жеткізіп, ширек финалға шықты. Енді жасөспірімдер арасындағы сайыс басталады.

Мақаланың түпнұсқасы: https://kaz.nur.kz/society/2019252-almatylyq-oqusylar-aqs-tagy-robototexnika-boiynsa-alem-cempiontynda-uzdik-ondyqqa-kirdi/