Бахрейн намысын қорғаған қазақ боксшысы Әлем чемпионатынан "ұшып кетті"
Опубликовано:
Бокстан Ташкентте өтіп жатқан Әлем чемпионатында Бахрейн намысын қорғап жатқан Азат Махметов екінші кездесуін өткізді, деп хабарлайды KAZ.NUR.KZ тілшісі.
51 келіге дейінгі салмақта сынға түскен Азат Махметов 1/16 финалда Куба өкілі Эрислан Ромеромен жұдырықтасты.
Тартысты жекпе-жекте ол төрешілердің шешімімен қарсыласына жол берді.
Осылайша, Азат Махметов Ташкентте өтіп жатқан Әлем біріншілігінің келесі айналымына шыға алған жоқ.
Айта кетейік, Өзбекстан астанасында өтіп жатқан байрақты бәсекеде 51 келіге дейінгі салмақта ел намысын Сәкен Бибосынов қорғаған еді. Алайда ол күтпеген жерден үндістандық қарсыласынан ұтылып, жарыс жолынан шығып қалды.
Оригинал статьи: https://kaz.nur.kz/society/2019741-baxrein-namysyn-qorgagan-qazaq-bokssysy-alem-cempionatynan-usyp-ketti/