"Найзағай, 33 градусқа дейін ыстық": бүгін еліміздің мегаполистерінде ауа райы қандай болады

Синоптиктер елімізде 11 мамыр ауа райы қандай болатынын болжады, деп хабарлайды "Қазгидромет" РМК ресми сайтына сілтеме жасаған KAZ.NUR.KZ.

Метеорологтардың мәліметінше, бүгін Астанада найзағай ойнауы мүмкін. Елордада күндіз ауа температурасы +24...+26 градусқа дейін көтерілсе, түнде +7...+9 градусқа дейін төмендейді. Желдің жылдамдығы 9-14 м/с деңгейінде болады.

Бейсенбі күні Алматыда күн ашық болады, көшпелі бұлт шығады. Күндіз термометр бағаны +29...+31 градусты көрсетсе, түнде +15...+17 градус жылы болмақ. Оңтүстік астанада желдің жылдамдығы 0-5 м/с жетеді.

11 мамыр Шымкентте күн ашық болады, жауын-шашын күтілмейді. Күндіз ауа температурасы +31...+33 градусқа дейін ыстық болса, түнде ауа температурасы +18...+20 градусжылыны көрсетеді. Синоптиктердің болжауынша, желдің жылдамдығы 5-10 м/с шамасында болады.