Алдағы демалыс күндері ел аумағында қатты жаңбыр жауып, шаңды дауыл тұруы мүмкін

"Қазгидромет" РМК ресми сайтында алдағы демалыс күндеріне арналған ауа райы болжамын ұсынды. Синоптиктердің болжамынша,13-15 мамыр аралығында елімізде күн құбылмалы болады.

Метеорологтардың мәліметінше, атмосфералық фронтальды бөліктердің әсерінен демалыс күндері республиканың басым бөлігінде жаңбыр, бұршақ жауып, найзағай ойнауы мүмкін.

13 мамырда солтүстік, 14 мамырда оңтүстік аймақтарда, 14-15 мамырда оңтүстік-батыста қатты жаңбыр, 15 мамырда шығыста жауын-шашын (жаңбыр, қар түрінде) күтілуде.

Сондай-ақ 14-15 мамырда еліміздің солтүстік жартысында түнгі уақытта 1-3 градусқа дейін үсік жүруі мүмкін.

Бұдан бөлек, демалыс күндері республика бойынша жел күшейіп, оңтүстік өңірлерде шаңды дауыл тұруы ықтимал.

Мәтіннен қате тапсаңыз, бізге жазыңыз