"14 бас": Ақмолада жоғалып кеткен 5 млн теңгенің бір үйір жылқысы табылды

Ақмола полицейлері құны 5 миллион теңге болатын бір үйір жылқыны иесіне тауып берді. Бұланды ауданының полиция бөліміне 14 бас жылқы жоғалғаны туралы Макинск қаласының тұрғыны ақпарат берген, деп хабарлайды Polisia.kz.

Табын иесінің айтуынша, жылқылар елді мекенге жақын жерде жайылымда болған.

Ведомства мәліметінше, үйірдің болған жерін анықтау үшін полицейлер бірнеше сағат бойы орман алқаптарын тексеріп, ауланы аралап шықты. Іздеу іс-шараларына еріктілер мен орман қызметкерлері қатысты. Полицейлер жылқыларды көрші аудан Біржан сал аумағынан бір тәулік ішінде тапты.

Қазіргі уақытта барлық 14 бас жылқы заңды иесіне қайтарылған.

Мәтіннен қате тапсаңыз, бізге жазыңыз