Дауыл, найзағай және аяз: Қазақстанның бірқатар өңірінде дауылдық ескерту жарияланды

Cиноптиктер желдің күшеюіне, найзағай ойнап, аяз болуына байланысты еліміздің 12 облысында дауылдық ескерту жариялады, деп хабарлайды "Қазгидромет" сайтына сілтеме жасаған KAZ.NUR.KZ.

• Синоптиктердің болжамынша, ертең, 15 мамырда Алматы облысында күн күркіреп, найзағай кезінде жел екпіні 25 м/с дейін жетеді.
• Алматыда тағы да найзағай күтіледі.
• Ақмола облысында 3 градусқа дейін аяз күтілуде.
• Астанада да 2 градусқа дейін аяз күтіледі.
• Батыс Қазақстан облысында синоптиктер найзағай ойнайтынын ескертті.
• Ал Солтүстік Қазақстан, Қостанай облысының тұрғындары тұман, екпіні 15-20 м/с жел соғады деп болжайды. Сондай-ақ түнде 2 градусқа дейін аяз болады. Бұл ретте Қостанай облысының оңтүстігінде жоғары өрт қаупі сақталады.
• Абай, Шығыс Қазақстан облыстарында ертең 15-20 м/с жылдамдықпен жел соғады. Түнде 1 градусқа дейін аяз болады.
• Түркістан облысында күн күркіреп, шаңды дауыл соғады. Желдің жылдамдығы 15-20 м/с жетеді.
• Шымкент тұрғындары да 15-20 м/с болатын екпінді желге дайындалуы керек.
• Қызылорда облысының кей жерлерінде найзағай ойнап, желдің жылдамдығы 15-20 м/с жетеді, сонымен қатар төтенше өрт қаупі бар.
• Маңғыстау облысында кей жерлерде қатты жаңбыр, найзағай, бұршақ жаууы мүмкін. Жел 15-20 м/с жылдамдықпен соғады.
• Синоптиктер болжауынша, Жетісу облысында найзағай ойнап, жел 15-20 м/с жылдамдықпен соғады. Алакөл маңында желдің жылдамдығы 23-28 м/с дейін жетеді.
• Павлодар облысында тұман түсіп, 3 градусқа дейін аяз болады.